Алматыда волейболдан студенттер арасында жарыс өтеді

26.10.2018, Оқылғаны: 675

Қазанның 28-і күні «Спорттық Алматы» бағдарламасы аясында Алматы қаласының жоғары оқу орындарының студенттері арасында жарыс өтеді, деп ақпараттық және спорттық ХАБ хабарлайды.

Жарыс Қазақ спорт және туризм академиясы спорт кешенінде өткізіледі. Басталуы сағат 09:00-де.

Ойындар тек ЖОО-ның студенттерінен жасақталған командалар қатыса алады.

Жеңімпаздар мен жүлдегерлер диплом, медальдар, кубок және сыйлықтармен марапатталады.

Жарыстың басты мақсаты жоғары оқу орындарының студенттері арасында салауатты өмір салтын насихаттап, үздік командаларды анықтау болып табылады.

«Спорттық Алматы» бағдарламасы алып шаһардағы бұқаралық спортты дамытуға бағытталған.