Алматыда балалар арасында дуатлон өтеді

Маусымның 16-ы  күні алып шаһарда  6-13 жас аралығындағы ұлдар мен қыздар арасында дуатлон жарысы өтеді, деп ақпараттық және спорттық ХАБ хабарлайды.
 
Жарыс  Тұңғыш президенті саябағында «Спорттық Алматы» бағдарламасы аясында ұйымдатсырылады. Оған кез келген жеткіншек  тегін қатыса алады.
 
Тіркелу  маусымның 14-іне  дейін Sporttykalmaty.kz сайтында немесе электронды поштасы арқылы өткізіледі.
 
Бәсеке  төрт жас дәрежесі бойынша өткізіліп, сағат 09:00-де басталады.
 
Оның басты мақсаты салауатты өмір салтын балалар мен жастар арасында насихаттап, үздік дуатлеттерді анықтау болып табылады.
 
Жеңімпаздар мен жүлдегерлер грамота, медаль және естелік сыйлықтармен марапатталады.
 
Дуатлон – үш кезеңнен тұратын спорт түрі. Біріншісі жүгіру, екіншісі веложарыс, үшіншісі тағы да жүгіру. Қатысушылар жарыс күні арнайы бағыт картасымен  таныса алады.
 
Қосымша ақпарат бойынша келесі нөмірлерге хабарласуға болады:
– Ернар; – Талғат.