Алматыда үстел теннисінен «Оңтүстік астана» атты халықаралық турнир басталды

13.09.2018, Оқылғаны: 497
Алматыда «Зенит» спорт кешенінде үстел теннисінен 20-шы «Оңтүстік астана» атты халықаралық турнир басталды, деп ақпараттық және спорттық ХАБ хабарлайды.
 
Жарыстың салтанатты ашылуына  арнайы қонақтар, федерацияының өкілдері мен Алматы қаласы Дене шынықтыру және спорт басқармасының бұқаралық спорт бөлімінің басшысы Алмасбек Маханбетияров  қатысты. Олар спортшыларға сәттілік тіледі.
 
Теннис додасына Қазақстан, Ресей және Өзбекстаннан келген жасы 14-тен асқан 120 ұлдар мен қыздар  бақ сынауда.  Олардың арасында көптеген Әлем кубоктарының  бар.  Бұл турнир қыркүйектің 15-і  дейін жалғасады.Біздің құраманың атынан бірінші және екінші нөмірдегі спортшылар қатысуда.
 

- Бұл жарыс жаңа маусымдағы алғашқы әрі өз елімізде өтіп жатқан соң, жеңіс үшін аянбай еңбек етеміз. Алғашқы кездесуім  сәтті өтті, енді басқа қарсыластарымды да ұтуға тырысамын. Барлығы да өте тәжірибелі спортшылар, - деді алматылық, спорт шебері, «Оңтүстік астана-2017»  турниріңі жеңімпазы Тимур Кельбуганов.

 
Айта кетер жайт,  жарыстың  жалпы жүлде қоры 1,5 млн. теңгені құрайды. Ойындар күнделікті сағат 10:00-ден басталады.