Алматы баскетболшылары қостанайлықтармен кездеседі

Қараша айының 7-і мен 8-і аралығында «Достық» спорт кешенінде баскетболдан ерлер арасында Қазақстан чемпионаты Ұлттық лигасының ойындары өтеді, деп ақпараттық және спорттық ХАБ хабарлайды.
 
Алаң иелері «Алматылық Легион» баскетбол клубы екі күн бойы қостанайлық «Тоболмен» кездеседі. Кездесудің  басталу уақыты 19:30-да.
 
Қазіргі танда алматылық ұжым турнирлік кестеде екі ойын өткізіп екінші орында тұр. Ал, «Тобол» командасыүшінші орында.
 
Айта кетер жайт, ел чемпионатының биылғы маусымы қазанның 9-ы күні басталған болатын.
 
Турнир жайлы барлық ақпарат және командалар туралы «Алматылық Легион» клубының сайтынан біле аласыздар.