Депутаттар спортшыларды ҰБТ-дан босатуды ұсынады

Сенаторлар спорт саласында табысқа жеткен спортшыларды ұлттық бірыңғай тестен босатуды сұрайды.

"Депутаттық сауал жолдауға мəдениет пен спорт саласындағы колледждерде оқитын, халықаралық жарыстарда жоғары нəтиже көрсетіп жүрген спортшылар ҰБТ-да төменгі балл алулары себеп болды. Соның салдарынан ЖОО-на түсу кезінде олар мемлекеттік білім грантынан айырылады. Өнер мен спорт - Қазақстанның халықаралық беделін асқақтататын сала. Осы қос салада кадрлар даярлаудың өз ерекшеліктері бар. Себебі, мамандарды даярлау ісі мектеп қабырғасынан басталады" , - деді Мұрат Бақтиярұлы Сенаттың алқа отырысы кезінде Премьер-министрдің орынбасары Гүлшара Əбдіхалықованың атына депутаттық сауал жолдай отырып.

Ол өнер мен спорттың арнайы мектептерінде дайындық 4 сыныптан басталатынын атап өтті. Сонымен қатар, жыл сайын түлектердің 70-80 % ЖОО-на құжаттарын тапсыратынын айта келе, колледждің түлектері жоғары білім алуда түрлі кедергілерге тап болатынына назар аударды. Атап айтсақ, халықаралық деңгейде жоғары көрсеткіштерге қол жеткізгендердің өздері ҰБТ-да алған төменгі баллдарының кесірінен мемелекеттік гранттан қағылады.