Алматыда студенттер арасында жарыстар өтеді

15.03.2018, Оқылғаны: 562
Наурыздың 18-і күні «Спорттық Алматы» бағдарламасы аясында жоғары оқу орындарының студенттері арасында арқан тарту, гір көтеру, қол күрестен  жарыс өтеді, деп ақпараттық және спорттық ХАБ хабарлайды.
 
Жарыс  Қазақтың спорт  және туризм  академиясының спорт кешенінде (Абай даңғылы, 83) алматылық  студенттер арасында осы спорт түрлерін дамытып, үздік командаларды анықтау мақсатында ұйымдастырылады.

Жеңімпаздар мен жүлдегерлер диплом және медалдармен, сонымен қатар естелік сыйлықтармен марапатталады.
 
Айта кетсек, «Спорттық Алматы» бағдарламасы қаладағы бұқаралық спортты дамытуға бағытталған.